300 ஆண்டுகளுக்கு முந்தைய கல்வெட்டுகள் கண்டுபிடிப்பு
....மேலும் மதுராந்தகம்.ஜன.24- காஞ்சிபுரம் மாவட்டம் மதுராந்தகம் வட்டத்தில் சென்னை திருச்சி நெடுஞ்சாலையில் 101 வது கி.மீ. தூரத்தில் உள்ளது தொழுப்பேடு கிராமம்.
....மேலும் மதுராந்தகம்.ஜன.24- காஞ்சிபுரம் மாவட்டம் மதுராந்தகம் வட்டத்தில் சென்னை திருச்சி நெடுஞ்சாலையில் 101 வது கி.மீ. தூரத்தில் உள்ளது தொழுப்பேடு கிராமம்.
இவ்வூர் ஏரியில் ஒரு சிறுகுளத்தில் நீருக்கடியில் இருந்த கல்வெட்டு ஒன்று கண்டறியப்பட்டது.
"வீரபத்திர நாயனாற்கு கிடங்கில் புதுவமுடை ஆடவல்லான்... வயான் பழஅருவ(யி)ட்ட
பேராடு தொண்ணூறு அல்லவும் கைக்கொண்டு கெங் (கைக்)கரையிலே காராம் பசுவை
கொன்ற பாவத்திலே போவார்" என்பது கல்வெட்டு வாசகம்.
ஏரிக்கரையின் கீழ்க் கோடியில் உள்ளதே இந்த வீரபத்திரர் கோயில் என்பது தெரிந்தது.
உள்ளே அழகிய வீரபத்திரரின் கற்சிலை.இக்கோயில் பெரும்பேறு மலை மீதுள்ள முருகர் கோயிலுக்கு சுமார் ஒரு கிலோ மீட்டர் தூரத்தில் இருப்பது குறிப்பிடத்தக்கது.வீரபத்திரர் சிவனின் அம்சம் என்பர். இக்கல்வெட்டு முந்நூறு ஆண்டுகளுக்கு முற்பட்ட
எழுத்துக்களைக் கொண்டுள்ளதால் கோயில் அதனினும் பழமையானது என்று கருதலாம்.
புத்தமங்கலம்: இன்னொரு கல்வெட்டு,தொழுப்பேட்டிற்குக் கிழக்கே சுமார் 5 கி. மீட்டர்
தொலைவில் உள்ள புத்த மங்கலத்தில் கிடைத்தது. ஊரின் தெற்கில் முட்புதர்களிடையே
இடிந்த நிலையில் இருக்கும் ‘கந்தப்பர்’ கோயிலின் நுழைவாயில் மேற்கூரைப் பலகையில் உள்ளது. கலியாண்டு 4830 சகம் 1650, பிரபவ வருடம் ஆனி மாதம் 23ம் தேதி (கி.பி.1728-29) பொறிக்கப்பட்டது. ‘(கந்தப்ப) சுவாமியோர் (ஆலயப்) பிரவேசம் செய்ததனால் ஆயிரவர்கள் (வணிகர்கள்)’கொடை கொடுத்துள்ளனர்.
நல்லதம்பி செட்டியார், வழுத செட்டியார்,தாண்டவராயசெட்டியார்,சீலநா செட்டியார்,
குமாரன் ஆகியோர் பெயர்கள் காணப்படுகின்றன. இவ்விரு கல்வெட்டுகளையும் பற்றி தொழுப்பேடு அரசு உயர்நிலைப்பள்ளி ஆசிரியர் மு.காளிதாஸ் தகவல் கூற,கல்வெட்டு ஆய்வாளர் அச்சிறுபாக்கம் புலவர்.தாமரைக்கண்ணன் மைப் படியெடுத்துப் படித்தார். தினமலர் சென்னை 24-1-2001.13வது நூற்றாண்டு கல்வெட்டு கண்டுபிடிப்பு
....மேலுமமதுராந்தகம்,டிச.29_செய்யூர் தாலுக்காவிலுள்ள அகதீசுவரர் கோயிலில் 13வது நூற்றாண்டை சேர்ந்த தமிழ் கல்வெட்டுகள் கண்டுபிடிக்கப்பட்டுள்ளன.
....மேலுமமதுராந்தகம்,டிச.29_செய்யூர் தாலுக்காவிலுள்ள அகதீசுவரர் கோயிலில் 13வது நூற்றாண்டை சேர்ந்த தமிழ் கல்வெட்டுகள் கண்டுபிடிக்கப்பட்டுள்ளன.
செங்கை மாவட்டம் செய்யூர் தாலுக்காவிலுள்ள புத்திரன் கோட்டையில் அகதீசுவரர் கோயில் உள்ளது.இந்த கோயிலில் 28
தமிழ் கல்வெட்டுகள் கண்டு பிடிக்கப்பட்டுள்ளன.
இந்த கல்வெட்டுகள் ஜடாவர்ம சுந்தரபாண்டியன்,மாறவர்மன் சுந்தரபாண்டியன்(13ம் நூற்றாண்டு)காலத்தை சேர்ந்தவை என்று ஆய்வு மூலம் தெரிகிறது.புத்திரன் கோட்டை என்ற இந்த கிராமத்தின் பெயர் புத்தனார் கோட்டை என்றும்,கோயில் மண்டபத்தை கட்டியவர்கள் பெய ர்களும் இந்த கல்வெட்டுகள் மூலம் தெரிய வருகிறது.கல்வெட்டுகளை
டாக்டர்.தாமரைக்கண்ணன் கண்டுபிடித்துள்ளார். தினமலர் 29.12.1987
பழங்கால சிற்பங்கள் கண்டுபிடிப்பு
....மேலும்சென்னை,ஏப்,3 _ செய்யூர் தாலுக்கா ஈசூரில் ஆயிரத்து 300 ஆண்டுகளுக்கு முந்தைய விஷ்ணு சிற்பம் கண்டுபிடிக்கப்பட்டுள்ளது.
....மேலும்சென்னை,ஏப்,3 _ செய்யூர் தாலுக்கா ஈசூரில் ஆயிரத்து 300 ஆண்டுகளுக்கு முந்தைய விஷ்ணு சிற்பம் கண்டுபிடிக்கப்பட்டுள்ளது.
பெரண மல்லூரில் உள்ள எட்டியம்மன் கோயிலில் பழமையான சிற்பங்கள் இருப்பது கண்டுபிடிக்கப்பட்டுள்ளது.திருவண்ணாமலை மாவட்டம் பெரணமல்லூரில் எட்டியம்மன் கோயில் உள்ளது.
இக்கோயிலில் ஆயிரத்து 100 ஆண்டுகளுக்கு முற்பட்ட சிற்பங்கள் இருப்பது
கண்டுபிடிக்கப்பட்டது.இச்சிற்பம் அய்யனார் ஆகும்.
இக்கோயிலில் மற்றொரு பெண் அணங்கின் சிற்பமும் காணப்படுகிறது.இச்சிற்பம்
கவுமாரியாக இருக்கலாம் என்று கருதப்படுகிறது.இச்சிற்பங்கள் கி.பி.ஒன்பதாம்
நூற்றாண்டை சேர்ந்தது என்று தொன்மையியல் ஆய்வு நிறுவனச்
செயலாளர் தாமரைக்கண்ணன் கண்டறிந்துள்ளார்.
இத்தகவலை தொன்மையியல் ஆய்வு நிறுவனத் தலைவர் நடன.காசிநாதன் தெரிவித்துள்ளார்.
தினமலர் 31.3.99
தெள்ளாற்றில் ஒன்பதாம் நூற்றாண்டு ஜேஷ்டா தேவி
....மேலும்இந்தியா முழுவதும் ஜேஷ்டா தேவியின் வழிபாடு ஒரு காலத்தில் மிகச் சிறப்பாக இருந்தது.விஷ்ணு தர்மோத்திரம், லிங்க புராணம், சைவ ஆகமங்கள்,தமிழ் நிகண்டுகள் முதலியன ,
....மேலும்இந்தியா முழுவதும் ஜேஷ்டா தேவியின் வழிபாடு ஒரு காலத்தில் மிகச் சிறப்பாக இருந்தது.விஷ்ணு தர்மோத்திரம், லிங்க புராணம், சைவ ஆகமங்கள்,தமிழ் நிகண்டுகள் முதலியன ,
ஜேஷ்டாதேவியின் தோற்றத்தையும் உருவ அமைப்பையும் வழிபாட்டு முறைகளையும் விளக்கமாக உரைக்கின்றன.மதுரை திருப்பரங்குன்றம் கோயிலில் உள்ள சுப்பிரமணியர்,ஜேஷ்டா தேவியின் திரிவுருவே என்று பல அறிஞர்களும் ஆய்ந்துள்ளனர்.தமிழ்நாட்டிலும்,ஆந்திராவிலும் கிடைத்துள்ள பல நூற்றுக்கணக்கான ஜேஷ்டாதேவிகளிலிருந்து தனித்துவம் பெற்ற பழமையான ஜேஷ்டாதேவியின் சிலை ஒன்று வடார்க்காடு மாவட்டம், வந்தவாசி வட்டம், தெள்ளாறு கிராமத்தில் வழிபாட்டில் இருந்தது அண்மையில் கண்டுபிடிக்கப்பட்டது.பிற்காலப் பல்லவர்கள் அல்லது சோழர்கள் காலத்திய பாணியில் உள்ள இத்திருவுருவில் காக்கைக் கொடியும் துடைப்ப ஆயுதமும் ,கழுதை வாகனமும் ,கையில் கொம்புடன் நந்திமுகம் கொண்ட அழகற்ற வாலிபனும்; அழகே ஓர் உருவான பெண்ணும், அக்னிக் கலசமேந்திய சேடியும் இருப்பது, சமகிருதத்தில் வருணிக்கப்பட்ட ஜேஷ்டாதேவியை அப்படியே நினைவூட்டுகிறது. புதுவையில் உள்ள பிரெஞ்ச் இன்டிடியூட் ஆப் இந்தோலஜி என்னும் ஆய்வகத்தில் உள்ள பல நூறு ஜேஷ்டாதேவிச் சிற்பங்களுடன் ஒப்பிட்டுப் பார்த்தபோது இதன் தனித்தன்மையும் சிறப்பும் தெரிந்தது. அச்சிறுபாக்கம் புலவர் தாமரைக்கண்ணனும் ,பாகூர் புலவர் சு.குப்புசாமியும் வழிபாட்டில் இருந்த இதன் சிறப்பைக் கண்டறிந்தனர். தினமணி 3.1.82
ஆயிரம் ஆண்டுகளுக்கு முற்பட்ட விக்கிரகங்கள
....மேலும்செங்கற்பட்டு மாவட்டம், மதுராந்தகம் வட்டத்தின் தென் பகுதியில் ,சூணம்பேடு வட்டாரத்தைச் சேர்ந்த ஈசூர் என்னும் கிராமத்தில் ஒரு சிறு குளத்தில் மண் வாரிய போது ,சோழர் காலத்திய அரிய பஞ்ச லோக விக்கிரகங்கள் கிடைத்தன.
....மேலும்செங்கற்பட்டு மாவட்டம், மதுராந்தகம் வட்டத்தின் தென் பகுதியில் ,சூணம்பேடு வட்டாரத்தைச் சேர்ந்த ஈசூர் என்னும் கிராமத்தில் ஒரு சிறு குளத்தில் மண் வாரிய போது ,சோழர் காலத்திய அரிய பஞ்ச லோக விக்கிரகங்கள் கிடைத்தன.
சிவபெருமான்_சிவகாமி அம்மன் திருமேனிகள் எம்பெருமான் மான் மழுவுடன் காட்சி அளிக்கிறார்.கால்களில் வீரக்கழல்கள் பாதச் சங்கிலிகள் காதுகளில் பத்திர குண்டலம், வடிந்த காதுகள் கைகளிலும் மார்பிலும் கழுத்திலும் தலையிலும் இடையிலும் அற்புதமானஅணிமணிகள்.அம்மன் கடிஹதத்துடன் காட்சியளிக்கிறாள்.அவள் உடலில் உள்ள ஆடைகளும் அணிமணி வகைகளும் கண்களை பறிக்கின்றன.இருவரும் நிற்கும் அழகே அழகு.
பீடத்துடனும் உடைந்த பிரபையுடனும் இந்த திருமேனிகள் பூமிக்கடியில் பாதுகாப்பாக புதைத்து வைக்கப்பட்டிருந்தன. முகலாயர் படையெடுப்பால் இவ்வாறு பாதுகாக்கப்பட்டிருக்கலாம்.
திருமேனிகள் கிடைத்த உடன்,தமிழ்நாடு தொல்பொருள் ஆய்வுத் துறை இயக்குநர்
டாக்டர் இரா.நாகசாமி அவர்களிடம், புலவர் தாமரைக்கண்ணன் முதன் முதலாக அறிவித்தார்.
தற்போது அவை மாவட்ட ஆட்சியாளர் பாதுகாப்பில் இருக்கின்றன.
தினமணி 3.9.78
கற்கால பாறை ஓவியங்கள் கண்டுபிடிப்பு
....மேலுமசென்னை,மே 7-வட ஆர்க்காடு மாவட்டத்தில் திருப்பத்தூரிலிருந்து சுமார் 12 கிலோ மீட்டர் தூரத்தில் சந்திரபுரம் என்னும் ஊரில் அடிவாரத்தில் பெரிய குகைகள் உள்ளன.
....மேலுமசென்னை,மே 7-வட ஆர்க்காடு மாவட்டத்தில் திருப்பத்தூரிலிருந்து சுமார் 12 கிலோ மீட்டர் தூரத்தில் சந்திரபுரம் என்னும் ஊரில் அடிவாரத்தில் பெரிய குகைகள் உள்ளன.
அவற்றுள் ஒன்று கலியாணக் குகை என்பது. இந்தக் குகையில் சுமார் 5000 ஆண்டுகளுக்கு முன்பே மனிதர்கள் வாழ்ந்துள்ளனர். மலை அடிவாரத்திலும், குகைகளிலும் அவர்கள் கையாண்ட புதிய கற்கால ஆயுதங்கள் காணப்படுகின்றன.கலியாணக் குகையில், வெள்ளை நிறத்தில் இரண்டு ஓவியங்களும் ,செம்மை நிறத்தில் சில ஓவியங்களும் காணப்படுகின்றன. மனித உருவங்கள் செம்மை நிற வரைகோட்டில் வரையப்பட்டுள்ளன. மேலும் குதிரைகள், குதிரை வீரன், பலவித அடையாளங்கள் முதலியவை இந்த ஓவியங்களில் காணப்படுகின்றன(படங்களை பார்க்கவும்).
இந்தக் கலியாணக் குகையின் மேற்புறத்தில் இருபதுக்கு மேற்பட்ட கைச் சின்னங்களும், இரண்டு மனித பாதங்களும் காணப்படுகின்றன. குதிரை ஓவியங்கள் இருப்பதாலும் ஓவியங்களின் அமைப்பு கருதியும் இவற்றின் காலம் சுமார் 2500 ஆண்டுகளுக்கு முந்தைய பெருங் கற்காலம் என்று வரலாற்றாசிரியர்கள் கருதுகின்றனர்.இந்த அரிய குகை ஓவியங்களைக் கல்வெட்டு ஆராய்ச்சியாளர் அச்சிறுபாக்கம் தாமரைக்கண்ணன் கண்டுபிடித்துள்ளார். அவருக்கு உடன் இருந்து உதவி செய்தவர் ஆசிரியர் சுந்தரம் என்பவர். மேலும் இங்கு ஆய்வு நடத்தினால் நிறைய பாறை ஓவியங்கள் கிடைக்கலாம் என்று தாமரைக்கண்ணன் கூறினார்.
தினமலர் சென்னை 8.5.89 .
1500 ஆண்டுகளுக்கு முற்பட்ட இயக்கிச் சிற்பம்.
....மேலும்தமிழகத்தில் தொன்மை இயல் ஆய்வு நிறுவனம்,சுமார் 1500 ஆண்டுகளுக்கு முற்பட்ட அரிய இயக்கிச் சிற்பத்தைச் செங்கற்பட்டு மாவட்டம் மதுராந்தகம் வட்டம் தொழுப்பேட்டுக்கு
....மேலும்தமிழகத்தில் தொன்மை இயல் ஆய்வு நிறுவனம்,சுமார் 1500 ஆண்டுகளுக்கு முற்பட்ட அரிய இயக்கிச் சிற்பத்தைச் செங்கற்பட்டு மாவட்டம் மதுராந்தகம் வட்டம் தொழுப்பேட்டுக்கு
அருகில் உள்ள கடைமலைப்பற்று ஊரில் கண்டுபிடித்துள்ளது.இதுவரை,இத்தகைய பழமையான இயக்கிச் சிற்பம் தமிழகத்தில் கண்டுப்பிடிக்கப்படவில்லை.
இச் சிற்பம் 150 செ.மீ. உயரம்,44.5 செ.மீ. அகலம் உடையது.இயக்கியின் வலப்பக்கத்தில் பணிப் பெண் ஒருத்தி ஆபரணப் பேழையைச் சுமந்திருக்கும் நிலையிலும், இடப்பாகத்தில் மற்றொரு பணிப் பெண் குடத்தை தலையில் சுமந்த நிலையிலும் நிற்கின்றனர்.இருவரது தலையிலும் சிம்மாடு போன்ற
தலையணியன் மீதே மேற்காணும் பேழையும் குடமும் காணப்பெறுகின்றன.பணிப்பெண்களும்
இருகரங்களையே கொண்டுள்ளனர்.இவ்விரு பணிப்பெண்களோடும் இயக்கி உருவத்தைப்
பார்க்கையில் தம்மை வழிபடும் மக்களுக்கு வளம் சேர்க்கும் வளமைத் தெய்வமாக இது
வழிபடப்பட்டிருக்குமோ என்னும் ஐயத்தை ஏற்படுத்துகிறது.தமிழகத்தில் இயக்கி உருவம்
சமணசமயத்தைச் சார்ந்ததாகவே கருதப்படுகிறது.
தமிழ் இலக்கியங்களில் சிலப்பதிகாரத்தில்தான் முதன்முதல் இயக்கியைப் பற்றிய தெளிவான குறிப்பு காணப்படுகிறது.இதில் "பூங்கணி இயக்கி" என்று பேசப்படுகிறது.மதுரையின் கீழ்திசையில் "புறஞ்சிறை மூதூரி" பகுதியில் பூங்கணி இயக்கிக் கோயில் இருந்ததாகவும் ஆயர்பாடியைச் சேர்ந்த மாதரி என்ற ஆயர் முதுமகள் இத் தெய்வத்தை வழிபட்டாள் என்றும் சிலம்பில் அடைக்கலக் காதை வரிகள் உணர்த்துகின்றன.
ஆதலால்,கி.பி.5_6_ம் நூற்றாண்டுக்கு முன்பிருந்தே இயக்கி வழிபாடு தமிழகத்திலிருந்து வந்திருப்பதை உணரலாம்,இதன் அடிப்படையிலும் மற்றும் கி.மு.2_ம் நூற்றாண்டைச் சேர்ந்த அமராவதி இயக்கி
சிற்பத்தின்,உருவ அமைதி கொண்டும் காண்கையில் மலைப்பற்று இயக்கி நிச்சயமாக கி.பி.5_6_ம் நூற்றாண்டையோ அல்லது அதற்குச் சற்று முந்தைய காலத்தையோ சார்ந்ததாகலாம்.
இவ்வியக்கி சிற்பத்துக்கு வடக்கிலும் தெற்கிலும் ஒவ்வொறு ஐயனார் சிற்பம் காணப்படுகிறது.வடப்பாகத்திலிருப்பது கி.பி.6_7_ம் நூற்றாண்டையும் இடப்பக்கத்திலிருப்பது கி.பி.7_8_ம் நூற்றாண்டையும் சேர்ந்ததாக இருக்கலாம்.இவை தமிழ் நாட்டில் கிடைத்துள்ள பிற ஐயனார் சிற்பங்களிலிருந்து மாறுபட்ட கூறுகளைக் கொண்டு தோற்றமளிக்கின்றன.
வடபால் உள்ள ஐயனார் சர்வாங்காசனத்தில் இருகால்களையும் மடக்கி ஒன்றோடு ஒன்றைக் குறுக்காக வைத்து அமர்ந்த நிலையில் காணப்பெறுகிறது.வழக்கத்துக்கு மாறாக வலக்கையில் குறுவாள் ஏந்தி ,கையை மடக்கி மார்போடு அணைத்த நிலையிலும் இடக்கையும் மடக்கி மார்போடு சேர்த்து குறுவாளைத் தொடும் நிலையில் விரல்களை விரித்தும் உள்ளன.இடையில் பிடியுடன் கூடிய குறுவாள் இடையாடைக் கட்டில் செருகி வைக்கப்பட்டிருக்கிறது. இடைக்கட்டு ஆடையின் இரு நுனிகள் இருபக்கங்களிலும் தொங்குகின்றன.இத் தோற்றம் ஐயனார் உருவத்தில் இதுவரை பார்க்காதது.
இயக்கி சிற்பத்தின் தென்பால் உள்ள மற்றொரு ஐயனார் சிற்பமும் அமர்ந்த நிலையிலேயே உள்ளது.ஆனால் வலக்கால் குத்திட்டு வைத்து இடக்கால் மடித்து ஆசனத்தில் படுக்கையாக வைத்தவாறு மற்ற ஐயனார் உருவங்களில் உள்ளவாறு காணப்படுகின்றன.வலக் கையை மடித்து மலர் ஒன்றை ஏந்தி மார்போடு சேர்த்துள்ளவாறும் இடக்கை தொங்கும் கரமாகத் தொடைக்கருகில் வைத்துள்ளவாறும் காட்சியளிக்கின்றன.ஒரு காதில் மகர குண்டலமும்,மற்றொரு காதில் மலர் செருகியிருப்பது போன்றும் தெரிகின்றன.இவ்வுருவத்தில் வலக்கரம் அமைந்திருக்கும் முறை புதுமையாக உள்ளது.ஐயனாரின் இடையில் குருவாள் செருகப்பட்டுள்ளது.இந்த ஐயனாருக்கு வலப்பக்கத்தில் வாலை உயர்த்திச் சுருட்டிக் கொண்டு நிற்கும் நிலையில் உள்ள நாய் உருவம் காணப்படுகிறது.ஐயனாருக்குப் பக்கத்தில் நாய் உருவம் காணப்பெறுவது தொன்று தொட்டு வரும் மரபாகும். தொடக்கத்தில்
ஐயனாருக்கு உற்ற தோழனாக நாய் இருந்தது என்றும் பிற்காலத்தில் வாகனமாக குதிரை,யானை
சேர்க்கப்பட்டிருக்கிறது என்றும் அறிய முடிகிறது.
சமண மதத்தினருக்கு மட்டும் உரிய தெய்வமாக விளங்கியபோது ஐயனாருக்கு அருகில் நாய் மட்டுமே இருந்தது.அனைத்துத் தரப்பு வணிகர்களின் தெய்வமாக ஐயனாரை வழிபடத் தொடங்கியபோது குதிரையும், அத்திகோசத்தார் என்ற சிறப்பு வணிகப்படையினர் வணங்க முற்பட்ட நாளிலிருந்து யானையும் ஐயனாரின் வாகனமாகச் சேர்க்கப்பட்டிருக்கலாம் என்றும் கருத இடமேற்படுகிறது.
அச்சிறுபாக்கம் பல்கலை வித்தகர் கல்வெட்டு ஆய்வாளர். தாமரைக்கண்ணன் அவர்களுடன்
நடன.காசினாதனும் தொல்பொருள் ஆய்வுத் துறை பதிவு அலுவலர் மா.சந்திரமூர்த்தியும் சிற்பங்களை நேரில் பார்த்து சிற்பத்தின் பெயர்,காலம் ஆகியவற்றை முடிவு செய்தனர். தினமணி 19.1.1999
பல்லவர் கால கல்வெட்டுகள்:
....மேலும்மதுராந்தகம் அருகே கண்டுபிடிப்பு பல்லவர் காலத்து கல்தூண் ஒன்று மதுராந்தகம் தாலுகாவில் கண்டுபிடிக்கப்பட்டுள்ளது.
....மேலும்மதுராந்தகம் அருகே கண்டுபிடிப்பு பல்லவர் காலத்து கல்தூண் ஒன்று மதுராந்தகம் தாலுகாவில் கண்டுபிடிக்கப்பட்டுள்ளது.
செங்கற்பட்டு மாவட்டம் ,மதுராந்தகம் தாலுகாவில் ஒரத்தி என்னும் ஊர் உள்ளது.இங்கு இந்த கல்தூண் கண்டுபிடிக்கப்பட்டுள்ளது.இந்த கல்தூணை "கம்மாய்" என்று அழைக்கிறார்கள்.
இந்த கல்தூண் கி.பி.9ம் நூற்றாண்டைச் சேர்ந்தது என்று தெரிய வந்துள்ளது. அதாவது
சுமார் 1200 ஆண்டுகளுக்கு முற்பட்டதாகும்.
இந்த தூண் பல்லவ மன்னன் நந்திவர்மன் காலத்தில் நக்கன் என்பவனால் செய்யப்பட்டது.
இவன் "ஈசுவர கோட்டத்து,நெடுங்கல் நாட்டு,ஆற்றூரைச்" சார்ந்தவன்.
இந்த கல்தூணைக் கட்டிய கல்த ச்சனின் பெயர் "குவணன்" என்று கல்லில் எழுதப்பட்டுள்ளது.
ராஷ்டிர கூடர் நடு கற்கள் இதே ஊரில் ,நெல்வாய் ஏரியின் வடக்குப் பக்கத்தில் இரண்டு "நடு கற்கள்" கண்டுபிடிக்கப்பட்டுள்ளன.(வீர மரணம் அடையும் வீரர்களின் நினைவாக
நடப்படும் கற்களே நடுகற்கள் ஆகும்).
இவற்றில் ஒரு நடுகல்லில்,ஒரு வீரன் தன்னுடைய கழுத்தை அறுத்துப் பலியாகக்
கொடுப்பது போல சிற்பம் செதுக்கப்பட்டுள்ளது;அதில் கன்னட மொழியிலும் ,தமிழ் மொழியிலும் கல்வெட்டுக்கள் காணப்படுகின்றன.
ராஷ்டிரகூட மன்னர் கன்னரதேவனின் 21வது ஆட்சியாண்டில்,கங்கையன்
என்பவன் கல் ஏரிக்குக் கீழ் கால் செய்தபோது இந்தப் பலி கொடுக்கப்பட்டதாகத்
தெரிய வந்துள்ளது. மற்றோர் நடுகல்லில் உள்ள எழுத்து பொறிந்து போய்விட்டது.
சமணர் பள்ளி:
இந்த ஊருக்கு அருகில் உள்ள அனந்தமங்கலத்தில்,ஒரு குன்றில் சமணர்களின் பள்ளி
ஒன்று இருக்கிறது. (சமண முனிவர்கள் வசித்து வன்த மடங்களே,சமண பள்ளிகள்
என்று அழைக்கப்பட்டன.இந்த சமண பள்ளி ,பராந்தக சோழன் காலத்தில் ஜீனகிரிப்பள்ளி என்று அழைக்கப்பட்டது என அறிகிறோம்).இந்தச் சமண பள்ளி உள்ள குன்றின் பாறையில்,
சமண தீர்த்தங்காரர்கள் உருவமும்,யஷி உருவமும் பொறிக்கப்பட்டுள்ளன.இப்போது அந்தச் சிற்பங்களின் கீழ் ஒரு கல்வெட்டு கண்டுபிடிக்கப்பட்டுள்ளது.அவற்றைக் கொடுத்தவரின் பெயர் "அரட்டநேமி அடிகள்" என்று அந்த கல்வெட்டு குறிக்கிறது.இவை சற்றேறக்குறைய
9 ம நூற்றண்டைச் சார்ந்தவை.
தமிழ்நாடு அரசு தொல்பொருள் ஆய்வுத் துறையில் பயிற்சி பெற்ற தமிழாசிரியர் தாமரைக்கண்ணன் என்பவர் இந்த கல்வெட்டுக்களைக் கண்டறிந்து,இது பற்றி தொல்பொருள் துறைக்குத் தகவல் கொடுத்தார்.தொல்பொருள் இலாகா வெளியிட்டுள்ள செய்திக் குறிப்பு இதைத் தெரிவிக்கிறது.
தினமணி 30.7.76
1 | 2