பேரறிஞர் டாக்டர் சி. பாலசுப்பிரமணியனார் அவர்கள்
....மேலும் நண்பர், புலவர் தமிழ்கூறி நல்லுலகை நன்கறிந்து கொண்ட எழுத்தாளராவார். புலமை அழகும் கற்பனை வளமும் கருத்துச் செறிவும் இவர் எழுத்துகளில் மண்டிக் கிடக்கக்
காணலாம்...... புலமை நயம் பொருந்திய கட்டுரைகள், கல்வெட்டு இயல் தேர்ந்து கூறும் வரலாற்றினை வரையறை செய்யும் கட்டுரைகள், நாவல்கள், நாடகங்கள், சிறுகதைகள் முதலான துறைகளில் இவர் எழுத்துசாதனை புரிந்துள்ளது. ஆசிரியர் கம்பராமாணத்தில் ஊறித் திளைத்தவராகத் தெரிகிறார்..... இவ்வாறாகப் பல பல நோக்குகளிலும் சிறந்த நாடக ஆசிரியராக மலர்ந்துள்ள புலவர் அவர்களை வாழ்த்துகிறேன்! இவர் மேலும் பல நல்ல நாடகங்களைத் தந்துதவி நலம் சேர்ப்பாராக! 1.8.1985
....மேலும்கலைமாமணி டாக்டர் ஆறு. அழகப்பனார் அவர்கள்
புலவர் தாமரைக்கண்ணன் பல நாடக நூறு செல்வங்களுக்குச் சொந்தக்காரர்; அவர் ஒரு நாவலாசிரியர்; வரலாற்றாசிரியர் கல்வெட்டு ஆய்வாளர். நாடகக் கலைக்கு நண்பர்
ஆற்றி வரும் தொண்டு மகத்தானது. நற்றமிழ்ப் பணியை மேற்கொண்டு சிறப்பானதொரு நாடகத்தை அரங்கேற விட்ட ஆசிரியரைப் பாராட்டுகிறேன். 25.7.1985
....மேலும்தொல்லெழுத்து விற்பன்னர் திருமிகு நடன. காசிநாதன் எம்.ஏ. அவர்கள்
செங்கற்பட்டு மாவட்டம், மதுராந்தகம் வட்டம், அச்சிறுப்பாக்கம் மேல்நிலைப் பள்ளியில் சிறப்பு நிலைத் தமிழாசிரியராகப் பணிபுரியும் புலவர் தாமரைக்கண்ணன்
அவர்களைக் கடந்த பதின்மூன்று ஆண்டுகளாக அறிவேன். சிறுகதை, நாவல், நாடகம், குழந்தை இலக்கியம் எனப் பல்வேறு துறைகளில் முப்பது நூல்கள் எழுதியுள்ளார். இவர் கல்வெட்டு ஆராய்ச்சித் துறையில், சுமார் 1300 ஆண்டுகளுக்கு முந்தைய கோழி நடுகல், வீர கேரளன் காசு, ஒரத்தியில் கன்னரதேவனுடைய தமிழ் - கன்னடக் கல்வெட்டுகள், முதலாம் இராசராசன் காலத்திய செப்புத் திருமேனிகள் போன்று பலவற்றைக் கண்டுபிடித்துத் தமிழ்நாடு தொல்பொருள் ஆய்வுத் துறைக்குத் தெரிவித்துத் தமிழக வரலாற்றுக்குத் துணைபுரிந்துள்ளார். வரலாற்றுக் கருத்தரங்குகளில் கலந்து கொண்டு சிறந்த ஆய்வுக் கட்டுரைகள் வழங்கியுள்ளார். இத்துறை திருக்கோயிலூரிலும், காஞ்சிபுரத்திலும் நடத்திய கோடைக் காலக் கல்வெட்டுப் பயிற்சியில் சிறப்புச் சொற்பொழிவுகள் நிகழ்த்தி உள்ளார். இவர் எழுதியுள்ள ‘வரலாற்றுக் கருவூலம்’ என்னும் கல்வெட்டு ஆய்வு நூல் தமிழக அரசின் பரிசைப்பெற்றுள்ளது. இவர் வரலாற்று ஆர்வமும் கலைக் கண்ணோட்டமும் கொண்டு விளங்குபவர். இவரது பணி சிறக்க எனது நல் வாழ்த்துக்கள்! அறிமுகவுரை 10.1.198
....மேலும்கவிச்சக்கரவர்த்தி பொன்னடியான் அவர்கள்

பரிசுகளும் பாராட்டுப்
பட்டயமும் இவர் வீட்டின்
வரிசையிலே நின்றுநமை
வணங்கி வரவேற்கும்!
முரசாக மேடையிலே
முழங்கிமுத் தமிழ் வளர்க்கும்
அரசரிவர் ஆம்! அன்பின்
அரசரிவர் அறிவரசர்!

தோற்றத்தில் மூவேந்தர்
சாயல் முகங் காட்டும்!
தோற்காத ஆட்சிப் பாக்கப்
புலவர் திறன்மிக்க
ஆற்றல்கள் பன்னூறு
ஆண்மை அணிகூட்டும்
மாற்றவரும் போற்றுகின்ற
மதிநலமோ திகைப்பூட்டும்!

பண்புகளின் தொகுப்பான
பைந்தமிழின் கூட்டான
அன்பு நண்பர் தாமரையார்
அறம்போலும் வாழியவே!
அன்னுழைப்பின் திறனாலே
தாயகத்தின் நலன்பேணி
மன்னுயிரெல் லாம்போற்ற
மாண்புடையார் வாழியவே!திண்டிவணம் ‘நாடக மாமணி’
3.8.1985  பட்டம் அளிப்பு விழா

எண்ணில்லாத் தகுதிகளின்
இருப்பிடமாய்த் திகழுகின்ற
தண்டமிழின் தகுதிசால்
தாமரைக்கண்ணர், என்றும்
என் இதயத் துள்ளினிக்கும்
இலக்கியத்தின் ஏந்தலவர்!
இந்நிலத்தின் புகழ்விளக்கை
ஏந்திநிற்கும் மாந்தரவர்!

கற்கண்டுத் தேன்தமிழில்
கற்பனவெல் லாம்கற்றார்!
கற்பனைத்தே ரேறியவர்
கதைநாவல், நாடகத்தின்
விற்பனராய்த் தலைதூக்கி
வெற்றி நடைபயின்றார்!
அற்புதத்தின் அற்புதமாம்
அறிவின் வழிதொடர்ந்தார்!

கடும் உழைப்பின் ஓர் வடிவம்
கணக்கில்லா வெற்றிகளைத்
தொடும் ஆவ லோடுழைக்கும்
துணிச்சல்வழித் தொண்டரிவர்!
தடுமாறாக் கொள்கைகளின்
தடம்பற்றிப் போகின்ற
புடம்போட்ட தங்கமிவர்
புதுமைவழிப் புவலரிவர்!
....மேலும் காளமேகக் கவிச்சுடர்பெருங்கவிக்கோ டாக்டர் வா.மு.சேதுராமன் அவர்கள்
செங்கரும்பு கசக்கலாம்
செங்கனி புளிக்கலாம்
திதிகதி ரும்மறையலாம்
எங்கள் புலவரேறு
தாமரைக் கண்ணனோ
என்றுமே தடமாறிடார்!

மங்கலம் பொங்குக
தாமரைக் கண்ணனார்
மனைவிநல் மக்கள் வாழ்க!
எங்கணும் நல்வளம்
கூடுக! தேடுக!
இணையிலா வளங்கள் சூழ்க!

அங்கையில் அமுதென
அறமென திறமென
ஆனந்த மகிழ்வி ஆக!
சிங்கம் நிகர்த்தநல்
தாமரைக் கண்ணன்
செந்தமிழ் போல்வாழ்கவே!!

தமிழ்ப்பணி
இலக்கிய இதழ்மாசி 1985

பல்கலைச் செம்மல்
பைந்தமிழ்ப் புலவர்கோ
நல்கலைக் குரிசில்
நற்றமிழ்ப் பெட்டகத்தான்
எங்கும் தமிழோங்க
எழுச்சிப் பணிபுரிவோன்
தங்க மணமுடையோன்
தாமரைக் கண்ணனென்பான்

எழுத்து வேந்தனிவன்
ஏரார்ந்த தமிழாசான்!
அழுத்தமான சிந்தனையாளன்!
அவனியிலே வாழியரோ!
நாடழிந்த போனாலுமிவன்
நடையழிந்து போகாதே!
ஏடெழுந்த இலனெழுத்தோ
என்றென்றும் வாழியரோ!

முறுக்குடன் வளர்ந்த
உடலோடு மாசில்
முன்னேறத் துடிமனம் துள்ளும்
தறுக்குடன் பிறர்செய்யும்
தீமைகள் சடிந்து
சால்பெனக் கரைபுரள் வெள்ளம்

கறுத்தநெஞ் சுளவஞ்சர்
கதிகலங்கிடச் செய்து
கனல்போலத் தீய்ப்பாரே கள்ளம்
கிறுக்கர்கள் சொல்கின்ற
வார்த்தைகள் மதியாமல்
கிளர்ந்தெழு அரிமாபோல் உள்ளம்!   
....மேலும்நூல் பதிப்புத் துறையின் வித்தகர் கவிதைச் செம்மல வெள்ளையாம்பட்டு சுந்தரம் அவர்கள்
ஊர் ஊராக ஓடிச் சென்று
காட்டிலும் மேட்டிலும் கலங்கிச் சுழன்று
கல்வெட்டு, நடுகல், கற்சிலை தேடிக்
களிக்பார் களைப்பார் - இவர்
எழுத்திலும் செயலிலும் புதுமையும் அழகும்
பழுத்த பழங்களாய்ப் பண்புடன் விளங்கும்!

‘வரலாற்றுக் கருவூலம்’ பதிப்புரை
25.12.1984
பரிசுகள் பெற்ற நூலாசிரியர்
வரிசையில் வாழும் வரலாற்றாசிரியர்
சிறுகதை, நெடுகதை, கட்டுரை, நாடகம்
எனும் பல துறைகளில் எழுதிடும் வல்லவர்!
இனிய சொல்லுடன் இணைந்து பழகும் நல்வலர்
மேடை முழுக்கம், நாடகப் பழக்கம்
கூடிய திறனும் கொண்ட கலைஞர்!

நன் நடையாளர், நற்றமிழ் சொல் நடையாளர்!
தொல்பொருள் ஆயும் தொல்லைப் பணியிலும்
தொடர்ந்து ஊக்கமாய்ச் சுற்றும் தொண்டர்!
வருவாய் முழுதும் வழிச் செலவுக்கே!
கடனாய் வாங்கிப் புகைப்படம் எடுப்பார்!  
....மேலும்கவிதைப்பண்ணை அமைப்பாளர் இலக்கிய வேள் புலவர் வே. இளந்திரையாள் அவர்கள்

என்னினிய நண்பர் இதயத்துள் என்றமுளரர்;
மன்னிய நட்பின் பிசிராந்தை - கன்னியிளம்
செந்தமிழ்போல் நல்லுணர்வும், செங்கனிபோல் வாயுரையும்
சொந்தமெனக் கொண்டிட்டார் சேர்ந்து.

ஆய்வறி வென்னும் அகல்வான் பரப்பினிடை
தேய்வறியா தண்மதியாய்த் தோன்றியொரிர் - தூய்மைமிகு
நற்படைப்பின் நாயகராம் நற்றமிழ்க்கோர் எல்லையெனும்
நற்றா மரைக்கண்ண னார்

மதுவூறும் சொன்னடையும், மாண்புடைய நோக்கும்
புதினம் சிறுகதையாய்ப் பூக்க - விதவிதமாய்த்
தீட்டிய யாவுமே தீமைகளை வீழ்த்துகின்ற
ஈட்டியாய்ப் பாய்ந்திடுதே ஈங்கு.

நா(டு) அகம் கொண்டே நலிவற்ற நன்முறையில்
நாடகங்கள் பற்பலவும் நற்றமிழ்தான் - பீடுறவே
செய்தும், நடித்தும், செழுமையுற நற்கருத்தைப்
பெய்தும் வரும்பனியைப் போற்று.

எத்துறையைத் தொட்டாலும் அத்துறையை மாண்புறுத்திப்
புத்துறையாய் மாற்றுமிவர் போக்குணர்ந்தோர் - முத்தமிழின்
வித்தகர் என்றும், விழுத்தமிழ் நற்கடலில்
முத்தெடுக்கும் மேதையென்பர் மூண்டு.

தேனூறும் பேச்சும், தெளிவூட்டும் நற்கருத்தும்,
வானூறும் வெண்மதியின் தண்ணியல்பும் - பாநூறாய்
நீளும் இலக்கியம் போல் நெஞ்சினிக்க வாழுமிவர்
நாளும் புகழுறுக நீடு.
மதுராந்தகம் ‘மாநில நல்லாசிரியர் விருது’
நவம்பர் 1988 பாராட்டு விழா
தொல்கலையைத் துலக்கமுறச் செய்யுந் தொண்டு
தூய்தமிழ்க்குத் துறைபலவும் சேர்க்கும் நோக்கும்
சொல்விலைக்கு விற்றெழுதும் சில்லோர் போன்று
சோரம்போம் இழிதகைமை அறியாப் போக்கும்
வில்வளைவு விரோதிகளை வீழ்த்து மாபேல
வண்டமிழின் பகையழிக்கும் வரை நெஞ்சும்
பல்சுவைநற் செம்மலெனும் பட்டங் கொண்ட
பண்பாளர், முனைவரவர் தாமரைக் கண்ணர்!

வரலாறு தன்னையே திருப்பிக் காட்டும்
என்றுரைத்த வாசகத்தை மெய்ம்மை யாக்கும்
வரமாக வண்டமிழ்க்கு வந்து தித்தார்;
வளமான மொழிப்புலமை, ஆய்வும் மிக்கார்.
உரமாகும் ஒண்டமிழக்குப் படைப்பு யாவும்,
உணர்வூட்டும் தமிழர்க்கே எழுத்தும் பேச்சும்.
கரம்செய்யும் பணியெல்லாம் தமிழ்க்கே ஆகும்;
கருதுமுள நினைப்பெல்லாம் உயர்விக் காமே!

பாடுமிகப் பட்டமைக்கும் பாங்கில் ஆன
பாராட்டுக் குரியதெனும் நாட கங்கள்
ஈடுமெடுப்(பு) அற்றிலங்கப் படைத்துக் காட்டி,
இணையற்ற நாடக்ப்பே ராசான் என்றே
நாடு இவரைப் பாராட்ட, விருதும் பெற்றார்;
நற்றமிழ்க்குப் புதுப்பொலிவைப் பெரிதும் தந்தார்.
ஏடமைந்த பால்சுவைபோல் இனிப்பைச் செய்யும்
இக்காலச் சேக்ஸ்பியெரன் றியம்ப லாமே!  

பூந்தென்றல் இளவேனிற் பருவந் தன்னில்
பொன்னுடலைத் தழுவுகின்ற பான்மை போன்றும்,
மாந்தளிரைக் கொத்தியுண்டு மகிழ்வைக் கொண்டு
மணிக்குரலால் குயிலிசைக்கும் சுகமே போன்றும்,
இதயத்தை ஈர்த்தின்பம் செய்தல் போன்றும்,
தீந்தமிழால் படைக்கின்ற படைப்பு யாவும்
தெள்ளமுதச் சுவையூட்டத் துய்த்தோம் யாமே!
(வேறு)
....மேலும் சமஸ்கிருத வல்லுநர் பைந்தமிழ்ப் பாவலர் பேராசிரியர் கவிஞர் எஸ். இரகுவீரன் அவர்கள்
பல்கலைச் செம்மலே!
பல்கலைக் கண்ணனே!
பல்திறம் பயின்ற புலவோய்
சொல்வதும் எங்ஙனம்
சோர்விலாக் கல்வியில்
சோரா துழைக்கும் மதியே!தாமரைக் கண்ணனே!
தனிவழி நாயக!
தன்னேரிலாத ஒரு நீ!
மா மறை வள்ளுவன்
மங்களம் அருவவே
மணமுடன் சிறந்து வாழ்க!
‘மாநில நல்லாசிரியர் விருது’
பாராட்டு விழா சுருக்குக‌ சிற்றூரில் பிறந்த
சீரூரில் வாழ்ந்த
சிறுகதைச் செம்மல் நீரே!
கற்றூறும் கல்வியே!
கல்வெட்டு அறிஞனே!
கலைஞர்கள் போற்றும் கலையே!
குறள் நெறித் தோன்றலே!
குவலயம் போற்றிடும்
குறுங்கதைச் செல்வம் நீரே!
விரல்விட்டு எண்ணிடும்
விந்தைசெய் மனிதரில்
விளங்கிடும் வித்தகன் நீர்!
1   |   2